बार्शी तालुका प्रतिनिधी / किरण खुरंगळे
बार्शी | गौडगाव येथे स्वातंत्र्यदिनाचे औचित्य साधून ज्या व्यक्तीने आयुष्यात कधीही दारू न पिणाऱ्या २५ ग्रामस्थांना गौडगाव ग्रामपंचायतीच्या वतीने सन्मानपत्र व पुष्पगुच्छ देऊन सन्मानित करण्यात आले. उल्हासनगर महानगरपालिकेचे मुख्य लेखाधिकारी मा. विकास चव्हाण साहेब व गौडगांवचे सरपंच सौ. स्वाती बालाजी पैकेकर यांच्या उपस्थितीत दारू न पिणाऱ्या व्यक्तींचा सन्मान करण्यात आला.
या वेळी व्यसनमुक्ती उपचार व संशोधन केंद्रातील डॉ. मृणालिनी मोरे, सामाजिक कार्यकर्ते राहुल भड, ग्रामपंचायत सदस्य नागेश काजळे, सुशांत सुरवसे, मदन आरगडे, भास्कर काकडे, प्रभाकर भड, निखिल देशमुख, रघुनाथ गरड, बालाजी भड आदींच्या उपस्थितीत होते.
