पंडित दीनदयाल उपाध्याय रोजगार मेळाव्यात२११७ पैकी १४३७ उमेदवारांची प्राथमिक निवड
B1न्यूज मराठी नेटवर्क
छत्रपती संभाजीनगर : येथील डॉ. बाबासाहेब आंबेडकर मराठवाडा विद्यापीठात पंडीत दीनदयाल उपाध्याय रोजगार मेळाव्यात २११७ उमेदवारांनी हजेरी लावली त्यापैकी १४३७ उमेदवारांची प्राथमिक निवड करण्यात आली,अशी माहिती प्लेसमेंट ऑफीसर डॉ. गिरीष काळे यांनी दिली.
या मेळाव्यात छत्रपती संभाजीनगर, पुणे आणि मुंबई येथील नामांकित विविध 47 कंपन्यांचा मेळाव्यात सहभाग घेतला. टोयोटा किर्लोसकर मोटर, अथर एनर्जी, पर्किन्स इंडिया, ऋचा इंजिनिअर्स, मेडी-रिक्रूटर, कल्याण ज्वेलर्स, कॉस्मो फिल्म्स, क्लॅड मेटल इंडिया , बागला गृप ऑफ इंडस्ट्रीस, एस एस कंट्रोल, मेटलमॅन ऑटो, एल. आय. सी., इंस्टर इंडिया प्रायव्हेट लिमिटेड, एक्सीडी इंडिया लि.,ज्ञानदीप फाउंडेशन सेंटर, एन्ड्युरन्स टेक्नॉलॉजी प्रा. लि., के आर बेदमुथा टेक्नो असोसिएटस या नामांकित कंपन्या त्यांच्याकडील रिक्तपदे घेऊन सहभागी झाल्या होत्या. त्यासमवेत स्वयंरोजगार साठी विविध महामंडळ यांचे स्टॉल सुद्धा माहिती देण्यासाठी मेळाव्यामध्ये हजर होते.
या मेळाव्यासाठी २११७ नोकरीइच्छूक उमेदवारांनी उपस्थित राहून नोंदणी केली. विविध आस्थापना कडे ४०८१ मुलाखती पार पडल्या त्यापैकी १४३७ उमेदवारांची प्राथमिक निवड करण्यात आली.
डॉ.बाबासाहेब आंबेडकर मराठवाडा विद्यापीठात जिल्हा कौशल्य विकास, रोजगार व उद्योजकता मार्गदर्शन केंद्र व सेंट्रल ट्रेनिंग व प्लेसमेंट सेल,मॅन युनायटेड व सीआय आय यांच्या संयुक्त विद्यमाने हा मेळावा आयोजीत करण्यात होता.
About The Author
