शासन मान्यता नसलेल्या, अनधिकृत शिक्षण संस्थांमध्ये प्रवेश घेऊ नका
B1न्यूज मराठी नेटवर्क
जिल्हा व्यवसाय शिक्षण व प्रशिक्षण कार्यालयाचे आवाहन
सोलापूर : कौशल्य, व्यवसाय शिक्षण व प्रशिक्षण संबंधी प्रमाणपत्र/पदविका अभ्यासक्रमांसाठी प्रवेश घेणाऱ्या विद्यार्थी आणि पालकांनी महाराष्ट्र शासनाची मान्यता व महाराष्ट्र राज्य कौशल्य, व्यवसाय शिक्षण व प्रशिक्षण मंडळाची संलग्नता नसलेल्या संस्था, अनधिकृत संस्थांच्या शाळांमध्ये प्रवेश घेऊ नये, असे आवाहन जिल्हा व्यवसाय शिक्षण व प्रशिक्षण अधिकारी मनोज बीडकर यांनी केले आहे.
अशा संस्थांच्या भूलथापांना, त्यांच्या खोट्या दाव्यांना व जाहिरातींना पालक व विद्यार्थ्यांनी बळी पडू नये. संस्था व अभ्यासक्रमांची मान्यता शासनाच्या किंवा मंडळाच्या अधिकृत https://msbsd.edu.in संकेतस्थळांवर तपासून खात्री करूनच प्रवेश घ्यावा.
अभ्यासक्रमांसाठी राज्यातील संस्था व अभ्यासक्रम मान्यतेबाबत व अनधिकृत संस्थांच्या तक्रारीबाबत मंडळ, व्यवसाय शिक्षण व प्रशिक्षण प्रादेशिक कार्यालय अथवा जिल्हा व्यवसाय शिक्षण व प्रशिक्षण अधिकारी कार्यालय, डफरीन चौक सोलापूर यांच्याशी संपर्क साधावा, असे आवाहन बीडकर यांनी केले आहे.
About The Author
