𝐆𝐌 संस्थेतर्फे धम्मचक्र प्रवर्तन दिनानिमित्त मिरवणुकीचा खर्च टाळून पूरग्रस्तांना मदत

B1न्यूज मराठी नेटवर्क

सोलापूर : सोलापूर शहर, जिल्हा तसेच महाराष्ट्रामध्ये सध्या अतिवृष्टी झाल्यामुळे सोलापूरातून वाहणाऱ्या नद्यांनी रौद्ररूप धारण केले आहे. यामुळे नदीकाठावरील गावांमध्ये व शेतांमध्ये पाणी शिरले असून शेतकऱ्यांचे तसेच गावकऱ्यांचे मोठे नुकसान झाले आहे.

या पार्श्वभूमीवर धम्मचक्र प्रवर्तन दिनानिमित्त निघणाऱ्या लेझीम मिरवणुकीचा खर्च टाळून पूरग्रस्त नागरिकांना व शेतकऱ्यांना चादर, टॉवेल आणि अन्नधान्याचे किट देऊन मदत करण्यात आली. ही मदत जी.एम. मागासवर्गीय बहुउद्देशीय संस्था, संस्थापक बाळासाहेब वाघमारे यांच्या वतीने शिंगोली, तरटगाव, अर्जुनसोंड (ईसर वस्ती) या पूरग्रस्त भागांतील नागरिक व शेतकऱ्यांना करण्यात आली.

या वेळी जी.एम. संस्थेचे संस्थापक मा. बाळासाहेब वाघमारे, सामाजिक कार्यकर्ते अजित भाऊ बनसोडे, जी.एम. संस्थेचे उत्सव अध्यक्ष अझहर शेख, शिरीष सर्वगोड, सोमनाथ दावणे, कनिष्क उर्फ व्यकी वाघमारे, पप्पू लोंढे, रत्नदीप गायकवाड, युवराज ढेरे, डॉ. शुभम स्वामी फडतरे, रतन फडतरे, उपसरपंच महेश आवळे, हर्षवर्धन उर्फ मॉन्टी बाबरे, अभी क्षिरसागर, सेहवाग चलवदे, निशांत वाघमारे व जी.एम. मित्रपरिवार उपस्थित होते.