पत्रकारितेचा उत्सव आणि कर्तृत्वाचा गौरव! उद्या डिजिटल मीडिया संघटनेचा वर्धापन दिन सोहळा

उद्या रंगणार ‘नारी शक्ती’ सन्मान सोहळा; डिजिटल मीडिया संपादक पत्रकार संघटनेचा ५ व्या वर्षात पदार्पण.

B1न्यूज मराठी नेटवर्क

​बार्शी : देशातील ७ राज्यांमध्ये कार्यरत असलेल्या ‘अखिल भारतीय डिजिटल मीडिया संपादक पत्रकार संघटना’ आपला ५ वा वर्धापन दिन अत्यंत दिमाखात साजरा करत आहे. या निमित्ताने लोकशाहीचा चौथा स्तंभ अधिक मजबूत करण्याचा संकल्प करण्यात आला असून, समाजातील विविध क्षेत्रांत उल्लेखनीय कामगिरी करणाऱ्या महिलांचा ‘नारी शक्ती विशेष सन्मान’ सोहळा ३० मार्च रोजी बार्शी येथे आयोजित करण्यात आला आहे.संस्थेचे संस्थापक तथा केंद्रीय अध्यक्ष मा. श्री. राजा माने साहेब यांच्या अध्यक्षतेखाली हा भव्य सोहळा पार पडणार आहे. गेल्या पाच वर्षांपासून जनसामान्यांचे प्रश्न मांडणारा संघटनेचा हा यशस्वी प्रवास आता सहाव्या वर्षात पदार्पण करत आहे.
​विविध क्षेत्रांतील ‘नारी शक्ती’चा होणार गौरव
​या सोहळ्यात समाजासाठी आदर्श ठरलेल्या महिलांचा सन्मान केला जाणार आहे. सन्मानार्थींमध्ये पुढील नावांचा समावेश आहे:
​सौ. अनु प्रसाद मोहिते (जीवन गौरव सन्मान)
​ह.भ.प. शिवलीलाताई पाटील (किर्तन रत्न सन्मान)
​सौ. मनिषा भगवान लोकरे (क्रीडा रत्न सन्मान)
​सौ. सायरा नुह मुल्ला (समाज रत्न सन्मान)
​सौ. सारीका गिरीश संघवी (गौरव सन्मान)
​श्रीमती मनिषा मुकुंद गुरव (आदर्श महिला वाहक सन्मान)दिग्गजांची उपस्थिती आणि प्रकट मुलाखत
​कार्यक्रमासाठी प्रमुख उपस्थिती म्हणून खा. ओमराजे निंबाळकर, खा. सौ. ज्योतीताई वाघमारे, आ. दिलीप सोपल, माजी आ. राजेंद्र राऊत यांसह पोलीस अधीक्षक अतुल कुलकर्णी, उपविभागीय पोलीस अधिकारी अशोक सायकर आणि बार्शीतील प्रशासकीय व राजकीय क्षेत्रातील मान्यवर उपस्थित राहणार आहेत.या सोहळ्याचे विशेष आकर्षण म्हणजे माजी आमदार राजेंद्र राऊत यांची ‘प्रकट मुलाखत’ घेतली जाणार आहे. ही मुलाखत ज्येष्ठ पत्रकार राजा माने, मयुर गलांडे आणि महिला प्रतिनिधी निता देव घेणार आहेत.वेळ आणि ठिकाण
​दिनांक: सोमवार, ३० मार्च २०२६
​वेळ: सायंकाळी ६:०० वाजता
​स्थळ: देशपांडे व्हेज हॉल, उपळाई रोड, बार्शी.
​या सोहळ्यासाठी समस्त बार्शी तालुका कार्यकारिणी व निमंत्रक मोठ्या उत्साहाने तयारी करत असून, सर्व नागरिकांनी या सोहळ्यास उपस्थित राहावे, असे आवाहन करण्यात आले आहे.