शिव बसव प्रेरणा पुरस्कार २०२६ समाजसेवक बार्शीचे आण्णासाहेब पेटकर यांना जाहीर

B1न्यूज मराठी नेटवर्क

बार्शी : सामाजिक, शैक्षणिक व जनकल्याणकारी क्षेत्रात उल्लेखनीय कार्य करणारे बार्शी येथील ज्येष्ठ समाजसेवक आण्णासाहेब पेटकर यांची प्रतिष्ठेच्या “शिव बसव प्रेरणा पुरस्कार २०२६” साठी निवड करण्यात आली आहे. त्यांच्या विविध सामाजिक उपक्रमांची दखल घेत हा पुरस्कार जाहीर करण्यात आला असून, बार्शी शहरासह परिसरातून त्यांच्यावर अभिनंदनाचा वर्षाव होत आहे.

आण्णासाहेब पेटकर यांनी अनेक वर्षांपासून समाजातील वंचित, गरजू व सर्वसामान्य नागरिकांसाठी विविध उपक्रम राबविले आहेत. शिक्षण, आरोग्य, पर्यावरण संवर्धन, सामाजिक जनजागृती तसेच युवकांना प्रोत्साहन देण्याच्या क्षेत्रात त्यांनी मोलाचे योगदान दिले आहे. त्यांच्या या कार्याची दखल घेत पुरस्कार निवड समितीने त्यांची निवड केली.या पुरस्कारामुळे बार्शी शहराच्या सामाजिक क्षेत्रातील कार्याला नवी ओळख मिळाली असून, विविध सामाजिक संस्था, मान्यवर व नागरिकांनी त्यांचे अभिनंदन केले आहे. आगामी पुरस्कार वितरण सोहळ्यात त्यांना मान्यवरांच्या हस्ते सन्मानित करण्यात येणार असल्याची माहिती आयोजकांनी दिली.

पुरस्कार जाहीर झाल्यानंतर आण्णासाहेब पेटकर यांनी हा सन्मान समाजातील सर्व सहकाऱ्यांचा व नागरिकांचा असल्याची भावना व्यक्त केली. भविष्यातही समाजहितासाठी अधिक जोमाने कार्यरत राहण्याचा निर्धार त्यांनी यावेळी व्यक्त केला.