बाबुरावजी डिसले पुरस्कार २०२४-२५ जाहीर

B1न्यूज मराठी नेटवर्क

बार्शी : सुरज क्रीडा व सांस्कृतिक मंडळाच्या वतीने दरवर्षी प्रदान केले जाणारे कै. बाबुरावजी डिसले स्मृती जीवन पुरस्कार आणि कै. शिवाजीराव डिसले स्मृती जीवनगौरव पुरस्कार २०२४-२५ साठी जाहीर झाले आहेत. या पुरस्काराची माहिती मंडळाचे अध्यक्ष रविंद्र कापसे यांनी दिली. पुरस्कार वितरण सोहळा शिवाजीराव डिसले शेठ यांच्या ७१व्या जयंतीनिमित्त ६ जानेवारी २०२५ रोजी सायंकाळी ५ वाजता अर्णव शिक्षण संकुल, सासुरे फाटा, वैराग (सोलापूर-बार्शी रोड) येथे होणार आहे.

पुरस्कारांचे स्वरूप:
पुरस्काराचे स्वरूप सन्मानचिन्ह, प्रमाणपत्र, शाल, श्रीफळ आणि पुष्पगुच्छ असे आहे. सुरज क्रीडा व सांस्कृतिक मंडळाचे सचिव प्रताप दराडे यांनी याबाबत माहिती दिली. यावर्षीच्या पुरस्कारार्थींची नावे खालीलप्रमाणे आहेत:

पुरस्कारार्थींची नावे व क्षेत्र:

सामाजिक पुरस्कार: श्री नागनाथ मल्लिकार्जुन उंबरे, बावी (ता. बार्शी)

शैक्षणिक पुरस्कार: श्री मिरगणे विलास पांडुरंग, मळेगाव (ता. बार्शी)

क्रीडा पुरस्कार: श्री दिपक दत्तात्रय चिकणे, सोलापूर

महिला भूषण पुरस्कार: सौ शुभदा अनिरुद्ध देशपांडे, सोलापूर

सांस्कृतिक पुरस्कार: श्री दिपक बजरंग नलवडे, कोरफळे (ता. बार्शी)

उत्कृष्ट पत्रकारिता पुरस्कार: श्री संजय जगन्नाथ बारबोले, बार्शी

साहित्य पुरस्कार: श्री सोमनाथ मधुकर टकले, वडशिवणे (ता. करमाळा)

अध्यात्मिक पुरस्कार: रामायणाचार्य ह. भ. प. राजन महाराज काशीद पिंपरीकर (ता. बार्शी)

युवा उद्योजक पुरस्कार: श्री तुषार मोहन भोसले आणि सौ शुभांगी मोहन भोसले, रुई (ता. बार्शी)

समाजसेवा पुरस्कार: श्री राहुल आगरचंद धोका, कुर्डूवाडी

कला पुरस्कार: श्री प्रदीप गोरख काळे, बार्शी

सांस्कृतिक आणि सामाजिक क्षेत्राचा सन्मान
कै. बाबुरावजी डिसले आणि कै. शिवाजीराव डिसले यांच्या स्मृती जागवणारा हा पुरस्कार सोहळा गेल्या २१ वर्षांपासून विविध क्षेत्रातील मान्यवरांना त्यांच्या कार्याचा गौरव करण्यासाठी प्रदान केला जातो. यावर्षी निवडलेल्या व्यक्तींनी आपल्या क्षेत्रात अपूर्व कामगिरी करत समाजाला दिशा दिली आहे.

संपर्क:
अधिक माहितीसाठी सुरज क्रीडा व सांस्कृतिक मंडळाशी संपर्क साधावा.

About The Author