प्रा. शरद सावळे यांना शारीरिक शिक्षणशास्त्र विषयात पीएच.डी. प्रदान
B1न्यूज मराठी नेटवर्क
बार्शी : श्री शिवाजी शिक्षण प्रसारक मंडळ, बार्शी संचलित कॉलेज ऑफ एज्युकेशन येथील बी.पी.एड. विभागातील सहाय्यक प्राध्यापक श्री. शरद अरुण सावळे यांना पुण्यश्लोक अहिल्यादेवी होळकर सोलापूर विद्यापीठाकडून शारीरिक शिक्षणशास्त्र या विषयात नुकतीच पीएच.डी. (Ph.D.) पदवी प्रदान करण्यात आली आहे.
संशोधनाचा विषय आणि महत्त्व
प्रा. शरद सावळे यांनी “वरिष्ठ महाविद्यालयातील विद्यार्थ्यांच्या संशोधनविषयक अभिवृत्ती विकसनासाठी शारीरिक शिक्षण संशोधन पद्धती कार्यक्रमाचे विकसन व त्याच्या परिणामकारकतेचा अभ्यास” या विषयावर आपले संशोधन पूर्ण केले. शारीरिक शिक्षण क्षेत्रातील विद्यार्थ्यांमध्ये संशोधन विषयक दृष्टिकोन आणि अभिवृत्ती विकसित करण्याच्या दृष्टीने त्यांचे हे संशोधन अत्यंत महत्त्वपूर्ण मानले जात आहे.
या संशोधन कार्यासाठी त्यांना बाबुराव पाटील कला व विज्ञान महाविद्यालय, अनगर येथील शारीरिक शिक्षण संचालक डॉ. बी. सी. मोहिते यांचे मोलाचे मार्गदर्शन लाभले.
सर्व स्तरातून अभिनंदनाचा वर्षाव प्रा. शरद सावळे हे सध्या कॉलेज ऑफ एज्युकेशन, बार्शी येथे बी.पी.एड. विभागात सहाय्यक प्राध्यापक म्हणून कार्यरत असून, त्यांच्या या उल्लेखनीय यशाबद्दल संस्थेसह शैक्षणिक वर्तुळातून त्यांचे कौतुक होत आहे.
त्यांच्या या यशाबद्दल: संस्थेचे पदाधिकारी: अध्यक्ष डॉ. बी. वाय. यादव, उपाध्यक्ष नंदकुमार जगदाळे, जनरल सेक्रेटरी पी. टी. पाटील, सहसचिव ए. पी. देबडवार, खजिनदार जयकुमार शितोळे. महाविद्यालयीन प्रशासन: महाविद्यालय विकास समिती सदस्य, प्रभारी प्राचार्य डॉ. व्‍ही. पी. शिखरे, आयक्यूएसी (IQAC) समन्वयक डॉ. एम. एस. डिसले. यांच्यासह सर्व विभागांचे विभागप्रमुख, शिक्षक, शिक्षकेतर कर्मचारी आणि विद्यार्थ्यांनी प्रा. सावळे यांचे अभिनंदन करून त्यांच्या पुढील शैक्षणिक वाटचालीस हार्दिक शुभेच्छा दिल्या आहेत.
